Julehelsing

Med takksemd og glede kan vi sjå attende på eit år fylt av fleire vellukka
arrangement, interessante oppdrag og gode møte med menneske som har
utvida horisontane våre. Kontakten med publikum, oppdragsgivarar,
samarbeidspartnarar og støttespelarar, er avgjerande for at vi skal halde fram
med å utvikle kompetanse, tenester og nettverk. Ein stor takk til alle som på
ulike vis har bidrege med støtte og oppmuntringar i året som har gått!

I 2013 er vi sterkt deltakande i markeringa av 100-årsjubiléet til forfattaren
Hans Aanrud. Vi samarbeider med Ringsaker bibliotek om prosjektet
Hedmarking – je?, og skal ut på turné med førestillinga Var eg ein Gud....

10. august går det tredje Gåsøysymposiet av stabelen, med tema og innhald
som vonleg vil engasjere og inspirere til samtale og vidare refleksjon.

10. januar vil heimesida vår bli oppdatert med informasjon og kalender for
2013. Her vil vi i løpet av året kome med jamnlege oppdateringar om
verksemda og arrangementa våre.

Du kan òg følge oss på Facebook: www.facebook.com/klaape 

Du er hjarteleg velkomen til å ta kontakt dersom du har innspel og
tankar om samarbeid og felles prosjekt!

Med ynskje om ei signa julehøgtid og eit godt nytt år!

Gode helsingar,

Trond Klaape med familie og medhjelparar